Die eenvoud van die Groot Karoo, met al sy geheimenisse en stories, is nou toegangklik vir almal wat ‘n behoefte het om die klok te stop. As mens hier in die land van ruimte lank genoeg stil genoeg raak, kan jy weer die hartklop van die aarde hoor. Dit is ‘n plek waar tyd nie bestaan nie.
Ons is trots Suid-Afrikaans en het ‘n passie vir die Groot Karoo, sy mense, unieke plantegroei en diere. In wese is ons bewaarders van die natuur en wil graag ons kennis, wat deur jare se ondervinding opgedoen is, deel dmv begeleide staptoere, Karootoere asook pasgemaakte safaris na enige bestemming in Suid-Afrika, Namibië, Zimbabwe, Zambië, Mosambiek en Botswana.