AFRIKA TOERE

Ons verlaat die park naby die dorpie Sioma en ry na ons kampterrein aan die Zambesirivier. Warm storte, spoëltoilette en ‘n pragtige sonsondergang op die Zambesi wag op ons.

Na ‘n rustige ontbyt ry ons na die Ngonye-valle, die tweede hoogste in die Zambesi. Hier kan ons heerlik swem/baai terwyl ons middagete geniet. Die somer besoekende withalssprinkaanvoëls, is gewoonlik ook daar op die rotse.

Die agtermiddag rus ons by die kamp.

Vandag is ons laaste dag vir inkopies (veral ys) vir die volgende 5 dae. Die dorp Mongu het ‘n lekker Shoprite waar ons die nodigste inkopies en vars groente kry.

Ons draai dan Wes om oor die 50km breë Zambezi vloedvlakte te ry Kulabo toe. Oppad ry ons verby die Lozi koning se winter woning en van sy “Royal Canoes” wat deel uit maak van die kleurvolle Kambuka seremonie.

By Kulabo kruis ons die Luwanginarivier met ‘n ferry en na ‘n paar sanderige kilometers teken ons in by die Liuwa Plains National Park.

Ons kampplekke is “rustic” met koue storte maar wel spoeltoilette. Ons moet ons eie drinkwater voorsien vir hierdie 5 dae. Ons slaap by Kwale kamp vir 2 nagte in die Suidelike deel en beweeg dan meer Noord na Katoyana kamp.

Vir die volgende paar dae deurkruis ons die eindelose vlaktes opsoek na die roofdiere wat agter die duisende migrerende blou wildebeeste aan trek. Die hiëna’s was vir jare die hoof roofdier en is groter as normaal. Daar is ook heelwat wildehonde wat ons verseker sal soek.

Dit is ook ‘n voëlkyk meka met swerms Mahems, Lelkraanvoëls, Witbaardsterretjies en ‘n moontlike bosloerie!

Die onbekende oorbietjies, wat amper soos ‘n steenbok op steroids lyk, is ook heelwat in die park.

Africa Parks het die park oorgeneem en saam met ander bewarings organiesasies doen hulle baie om die natuurlike balans te herstel bv. deur leeus terug te bring. Die leeus het goed aan gepas en al vermeerder.