Karoo Staproete

TOER INLIGTING

Formaat

Sirkelroete en stap ongeveer 103 km. | Almal kamp met eie beddegoed en tente.

Volgende toere

30 April - 4 Mei 2025

29 Augustus - 2 September 2025

Koste

R5 995 per persoon (2025)

Maks. hoeveelheid persone

Maksimum van 18 stappers

Media Artikel

Weg! Tydskrif

AA Traveller

Buite Burger

PRAKTIESE INLIGTING:

Ingesluit:

3 Etes per dag. (Aandete dag 1 tot middagete dag 5)
Koffie en tee met ontbyt en aandete
Middagetes bou jy jou eie toebroodjie, bestanddele word verskaf
Die vervoer van alle tente, klere en stoele na die volgende oornagplek

Uitgesluit:

Drankies
Peuselkos

WAT OM IN TE PAK:

Tent en beddegoed
Gemaklike stap tekkies/Trail Runners (nie “hiking boots nie”) en klere
Sonhoed en warm mus
Warm klere vir saans
Eetgerei, beker en Tupperware bakkie, met ‘n deksel, vir middagete

Handdoek en toiletware
Kampstoel
Kamera en verkyker (opsioneel)
Drankies en peuselkos

TOERPLAN

Ons volg tot ‘n groot mate die spoor van Sylvester die leeu. Ons doen ‘n sirkelroete in die mooie Karoo en stap ongeveer 103 km oor 4 dae. Hierdie deel van die Karoo kan nie vanaf die hoofpaaie gesien word nie. Die staproete sal duidelik gemerk wees en elkeen stap teen sy eie spoed.

Dag 1: Welgemoed kamp, arriveer

Almal arriveer vanaf 15h00 op die plaas Welgemoed se kampterrein 71 km van Beaufort-Wes af. Dit is net ‘n bymekaarkomplek en elkeen slaan sy eie tent op. Bostoilette en ‘n emmer met warmwater vir stort word voorsien. Die voertuie bly hier totdat die stap voltooi is.

Dag 2: Oukloof 27.5 km

Die eerste skof is ‘n ver stap, maar relatief maklik aangesien dit meer afdraande en gelykpad is. Dit maak ook die ander dae korter. Ons stap in ‘n tweespoorpad in die bo-lope van die Koekemoersrivier. Vandag is ‘n kombinasie van tweespoor- en groter grondpad.

Ons gaan onder plate Soetdoringbome deurstap wat ‘n regte afdak vorm vir lang ente. Let op na of luister vir koedoes. Die laaste paar kilometer is dit die pragtige Oukloofpas, waar ons ‘n kronkelende riviertjie elf keer oorsteek.

Dag 3: Tweefontein 26 km

Dit is net opdraand in die begin om uit die kloof te kom en dan is dit weer platterig. Ons is dan op die rand van die Afrika plato. Die plato is op die Nuveldberge en dit is ‘n nuwe veld, heel anders en sonder doringbome. Hierdie dag sien ons ook die oop vlaktes van die Groot Karoo.

Dag 4: Kareebos 22.5 km

Ons sak af in die bolope van die Leeurivier en verby Leeukloof se opstal. Vandag is heelpad tweespoor. Die natuur begin weer verander met rooi koppe en diep rivierlope.

Dag 5: Welgemoed 27 km

Ons stap vir ‘n lang ent langs die Karoo Nasionale Park se grensdraad. Hopelik is hier ‘n geleentheid om mooi wild te sien. Daar is, vir die wat wil, die opsie om te gaan kyk waar Sylvester uitgekom het. Die laaste deel van vandag se stap gaan jou bederf met van die mooiste panoramiese uisigte. Dit is ook ons laaste dag saam en elkeen kan bietjie ontspan voordat die lang pad huistoe aangedurf word.

LAAI BESPREKINGSVORM AF